Diretór Jerál Desentralizasaun Administrativa Ministériu Administrasaun Estatál (DA-MAE), Belarmino Filomeno Neves, Imajen/Osória Marques.

DILI, 30 setembru 2020(TATOLI)–Diretór Jerál Ministériu Administrasaun Estatál (MAE), Belarmino Filomeno Neves, hateten diploma ministeriál konjunta 40/2016 altera ba 13/2019 aprova ona katak delegadu suku sira hamutuk ema rihun 8-resn iha direitu kada fulan hetan osan $30 durante fulan 10.

Nia hatutan, ba asuntu ida-ne’e Governu liuhusi MAE sei hein de’it bainhira mak Orsamentu Jerál Estadu (OJE) 2020 aprova iha Parlamentu Nasionál (PN).

“Diploma ministeriál konjunta 40/2016 altera ba 13/2019 aprova ona katak delegadu no delegada sira hamutuk ema rihun 8-resin iha direitu kada fulan hetan osan $30 durante fulan 10.  Tanba ne’e, hein de’it Orsamentu Jerál Estadu (OJE) 2020 aprova, ita-nia delegadu no delegada sira bele simu ona kada fulan $30,” dehan Diretór Jerál MAE, Belarmino Filomeno Neves ba Agência TATOLI iha nia knaar fatin, Colmera, Dili, kuarta ne’e.

Nia hateten, haree ba frekuénsia servisu membru konsellu suku ne’ebé mak ativamente ba iha servisu administrasaun, entaun Governu liuhosi estudu lubuk ida komesa hosi 2017 to’o agora ne’e, Governu konklui ona katak presiza apoiu insentivu ba membru konsellu suku sira.  

Nia esplika, kada fulan simu $30 ne’e la’ós saláriu vensimentu maibé ne’e insentivo senhas presença ba membru konsellu suku sira. Maibé, tuir nia, fulan rua nian ne’e mantein simu osan $90 tanba fulan ida $45.

“Ita-nia delegadu no delegada sira iha territóriu Timor-Leste hamutuk ema rihun 8-resin. Hein katak aprovasaun OJE 2020 ita bele ezekuta ona,” Belarmino hateten.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here