Ministru Edukasaun Juventude no Desportu, Armindo Maia. Imajen/Egas Cristovão

DILI, 29 setembru 2020 (TATOLI)-Governu liuhosi Ministériu Edukasaun Juventude no Desportu (MEJD), hamutuk ho Embaixada Japaun iha Timor-Leste no UNESCO, tersa ne’e halo diskusaun ida iha otél Novo Turizmu Dili, hodi ko’alia kona-ba planu re-ativa steering Committee atu reforsa siénsia matemátika.

Steering Commitee nia kna’ar maka kria maneira no sistema ida di’ak kona-ba siénsia matemátika para hanorin estudante terseiru siklu sira iha Timor-Leste.

“Ita hatene siénsia matemátika to’o ohin loron sai problema bo’ot ida ba edukasaun iha Timor-Leste, tanba labarik sira kuandu haree número hanesan buat ida la importante no hakarak desvia aan,” Ministru Armindo Maia, hateten ba jornalista sira iha Novo Turizmu Dili.

Armindo Maia, esplika Governu hamutuk ho doadór sira ne’e forma ona steering Committe ne’e iha tinan 2017 liubá, no planu atu implementa iha tinan 2019, maibé la konsege tanba fallansu tékniku.

Tanba ne’e iha ninia mandatu hakarak atu re-ativa Steering Committee ne’e hodi diskute fila fali projetu kona-ba siénsia matmátika hodi implemementa.

“Dahuluk nian steering Commitee sei halo uluk ba manorin sira oinsá atu bele hanorin labarik sira ho di’ak atu nune’e bele dada no motiva labarik sira bele pro-ativu liután iha matéria ne’e ho vontade.

Programa siénsia matemátika ne’e mak prodúz ona Governu sei hahú implementa uluk ba Munisípiu Dili depois maka kontinua ho Munisípiu sira seluk inklui Rejiaun Administrativa Oé-Cusse Ambeno (RAEOA).

Ekipa MEJD ne’ebé maka involve iha steering Commitee ne’e maihosi Dirijente sira ne’ebé iha relasaun ho edukasaun ensinubazíku.

Jornalista : Tomé Amado

 Editór : Agapito dos Santos

HAKEREK NO HATÁN

Please enter your comment!
Please enter your name here