Reitór UNTL, Francisco Miguel Martins. Foto: Mídia UNTL

DILI, 28 setembru 2020 (TATOLI)-Universidade Nasionál Timor Lorosa’e (UNTL), iha ona planu atu kria sistema baze dadus hodi rejista alumni UNTL na’in hira maka hetan ona servisu no seidauk hafoin halo graduasaun.

Magnífiku Reitór UNTL, Francisco Miguel Martins, hateten Universidade públiku ne’e halo ona graduasaun ba dala 23 hafoin Timor-Leste hetan ninia independensia iha tinan 20-resin liubá maibé to’o oras ne’e seidauk iha sistema baze dadus.

“Ita seidauk iha sistema baze dadus  ida  atu update data ita-nia estudante finalista sira na’in hira mak servisu ona no   hira mak seidauk, tanba ne’e agora ita halo ona planu atu halo estudu hodi hetan dadus sira ne’e,” nia dehan asuntu ne’e iha Sentru Konvensaun Dili, (CCD-sigla portugés), segunda (28/09).

Nia dehan, iha prosesu kria sistema baze dadus ne’e, UNTL sei halo peskiza no rejistu ba alumi sira nune’e bele hetan dadus ho loloos iha futuru.

Jornalista : Tomé Amado

Editór :Agapito dos Santos

1 KOMENTÁRIU

HAKEREK NO HATÁN

Please enter your comment!
Please enter your name here