Prezidente Tribunál Rekursu, Deolindo dos Santos. Imajen Tatoli /Egas Cristovão

DILI, 28 setembru 2020 (TATOLI)-Hafoin fulan ida liubá, hosi loron 01 agostu to’o  loron 15 setembru 2020, autór judisiáriu sira pasa sira nia tempu ferias judisiáriu, ohin, sira hahú hikas funsionamentu normal hodi hala’o servisu judisiáriu nian.

Notísia Relevante : Durante férias judisiáriu, TDD atende kazu urjente 24

“Ha’u informa ba Prezidente Repúblika atu hatene lala’ok servisu Tribunál nian durante fulan ida ne’e nia laran la’o oinsá depois ferias judisiál fulan ida to’o loron 15 setembru 2020. Hosi loron 16 setembru, ami hala’o servisu normal iha territóriu tomak,” informa Prezidente Tribunál Rekursu (PTR),  Deolindo dos Santos,  ba  jornalista hafoin  enkontru ho Xefe Estadu  iha Palaçio Prezidensiál, Dili.

Deolindo dos Santos esplika, hafoin ne’e Tribunál Rekursu no Tribunál  Distritál hanesan Dili, Baucau, Suai no Tribunál Rekursu rasik hahú funsiona iha fatin hotu servisu la’o normal.

“Juis sira ida-idak organiza servisu iha Tribunál Distritál sira ho esperansa ne’ebé boot mudansa ne’ebé halo através hosi konsellu nian koloka juis no ofisial justisa sira hodi hala’o servisu ne’ebé di’ak liután,”  tenik Deolindo dos Santos.

Nia mós  informa ba Xefe Estadu  katak mezmu iha difikuldade utilizasaun Dotasaun Orsamentu Temporáriu (DOT) ,maibé kontinua realiza julgamentu Tribunál Movel hodi lori justisa besik liután ba povu no halo esforsu koletiva hodi redús prosesu pendente iha tribunál sira.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here