Prezidente Tribunál Rekursu, Deolindo dos Santos. Imajen Tatoli/Egas Cristovão

DILI, 28 setembru 2020 (TATOLI)-Prezidente Tribunál Rekursu  (PTR), Deolindo dos Santos, hateten, sei realiza formasaun kona-ba lei Medida Preventiva no Kombate Korrupsaun (MPCC, sigla portugés) ba juiz sira, nune’e bele iha koñesimentu di’ak molok lei refere tama iha vigór.

Notísia Relevante : Lei MPCC sei vigora iha loron 180 hafoin publikasaun

“Ida ne’e preokupasaun Prezidente Repúblika nian halo oinsá mak lei foun MPCC tama iha vigór, saida mak juiz sira bele halo. Ha’u hato’o ba Prezidente Repúblika katak ami  sei hala’o formasaun ida ba juiz sira hotu antes Lei MPCC ne’e entrada em vigor,”  informa Deolindo dos Santos ba jornalista, ohin, hafoin sorumutuk ho Prezidente Repúblika (PR), Francisco Guterres “Lu-Olo’’ iha Palásiu Prezidensiál, Dili.

Nia hateten, ho formasaun ne’e juiz sira iha hanoin no perspetiva hanesan ho koñesimentu ne’ebé di’ak antes hola desizaun ruma.

Deolindo dos Santos hateten, planu seluk sei  pasa mós  informasaun ba juiz, ofisiál justisa ho dirijente apoiu servisu no mós auditor kámara konta sira para iha formasaun natoon tanba ne’e iha lei ne’e operadór sira iha tribunál presiza mós presta deklara sira nia riku-soin.

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here