Ministru Ensinu Superiór, Siénsia no Kultura, Longuinhos dos Santos. Imajen Tatoli/Egas Cristovão

DILI, 28 setembru 2020 (TATOLI)-Ministru Ensinu Superiór Siénsia no Kultura (MESSK), Longuinhos dos Santos, hateten ba tinan 2021, nia parte hakarak oferese bolsa estudu ba dosente universidade privada no públiku  hodi hadi’a kualidade ensinu iha Timor-Leste.

“Ita sei hadi’a kualidade ensinu superiór hodi investe maka’as iha rekursu humanu ba instituisaun ensinu Superiór sira inklui iha UNTL hodi tau matan ba kualidade dosente sira nian iha 2021 liuhusi programa bolsa estudu,” nia informa durante serimonia graduasaun estudante finalista UNTL 568 iha Sentru Konvensaun Dili, segunda ne’e.

Notísia Relevante :UNITAL Propoin ba MESSK fó Formasaun ba Dosente

Programa bolsa estudu ne’e atu reforsa kualidade rekursu umanu ba dezenvolve setór edukasaun iha rai-laran.

“Kualidade Instituisaun Ensinu Superiór Públiku no Privada sira nian nu’udar instrumentu importante ida atu haburas filafali ekonomia iha nasaun ida ne’e. Hodi nune’e bele hametin fali esperansa ba estudante foun sira ne’ebé mak lakleur tan atu kompete iha prosesu regresu nia laran,” nia hateten.

Mezmu, nia dehan seidauk define totál ema na’in hira maka sei hetan benefisiáriu ba programa bolsa estudu ne’e.

Notísia Relevante :MESSK simu tetu fiskál ba 2021 ho totál millaun $ 9.3

Jornalista : Tomé Amado

Editór :Agapito dos Santos

HAKEREK NO HATÁN

Please enter your comment!
Please enter your name here