Diretora Jerál ASEAN Ministériu Negósiu Estranjeiru no Kooperasaun, Milena Rangel.

DILI, 25 setembru 2020 (TATOLI)-Ministériu Negósiu Estranjeiru no Kooperasaun (MNEK), iha sesta ne’e bolu instituisaun estadu no ajénsia no setór privadu sira hodi halo preparasaun ba pilár ekonomia tanba Timor-Leste sei halo enkontru ho ekipa ASEAN iha loron 14 to’o 16 fulan-outobru via telekonferénsia.

Diretora Jerál ASEAN husi Ministériu Negósiu Estranjeiru no Kooperasaun, Milena Rangel, informa TL preparadu atu halo enkontru ho ekipa tékniku ASEAN iha fulan oin.

“Ohin ami bolu fali membru hosi pilár ekonomia sira mai para haree hamutuk fali preparasaun saida de’it mak atu halo hodi ba enkontru iha outubru nian,” nia dehan ba Tatoli iha edifísiu MNEK, Praia dos Coqeiros Dili.

Ekipa Timor-Leste ne’ebé envolve maka involve iha pilár ekonomia kompostu husi Ministériu Negósiu Estranjeiru Kooperasaun, Ministériu Turizmu, Ministériu Komérsiu Indústria, Ministériu Agrikultura, Ministériu Asuntu Ekonomia.

Aleinde ne’e, envolve mós ajénsia Trate Invest, SERVE, AIFAESA no setór privadu sira.

“Pilar ida ne’e ita iha aprezentasaun ida ne’ebé mak bo’ot tebes, hein katak buat hotu sei aprezenta ho di’ak antes halo enkontru iha outubru mai ne’e,” nia hateten.

Jornalista: Hortencio Sanchez

Editór  : Agapito dos Santos

HAKEREK NO HATÁN

Please enter your comment!
Please enter your name here