Treinadór Aitana Fc João Sousa Samantah ho Kapitaun Klube halo konferensia imprensa hafoin derrota.Imajen/Midia FFTL.

DILI, 24 setembru 2020 (TATOLI)-Treinadór Aitana FC, João Sousa Samantah, iha kinta (24/09), tenki simu derrota ho teriste hafoin ninia klube lakon ho Karketu FC 3-0 iha Estádiu Munisipál Dili.

Ho derrota ne’e ekipa Aitana tenki taka ona sira-nia mehi atu hakat ba jogu oitavu finál Kopa Federasaun Futeból Timor-Leste (FFTL).

Notísia Relevante :Posibilidade Porto Taibesi no Sporting tebe sai Karketu

“Rezultadu ida ohin hanesan trite bo’ot ida mai ha’u no jogadór sira tanba iha inísiu hakarak tebes atu manán Karketu nune’e bele ultrapasa ba jogu tuirmai, maibé ohin la konsege ida ne’e triste ida mai ami,” Samantah, hateten durante konferénsia imprensa, kinta ne’e.

Treinadór ne’e rekoñese sira lakon tanba jogadór ba guarda rede prinsipál, Fernando da Costa (99) hetan aleza iha ain.

“Lakon ida ohin ne’e liu mós hosi problema ida ami nia baliza hetan aleiza iha ain ida ne’e difikulta mós ami,” nia dehan.

Maski lakon maibé nia motiva nafatin ba jogadór sira atu treinu maka’as liután hodi prepara ba liga seluk tuirmai.

Iha sorin seluk, Treinadór Karketu FC, António Timotio, dehan la kontente tanba seidauk iha serteza atu hakat ba oitavu finál.

Klube ne’e iha ona pontu sia maibé sira-nia jogu ramata ona, enkuantu Porto Taibesi iha pontu neen no sei falta jogu rua, no Sporting Clube de Timor falta jogu rua ho pontu tolu tanba ne’e laiha posibilidade atu Aitana FC hakat ba oitavo finál.

“Ohin ami manán kontente maibé ida ne’e sei dauk termina ami hakat ona ba oitavu finál ou lae, tanba ekipa rua mak sei duni tuir hela iha kotuk hanesan Porto Taibesi no Sporting,” dehan treinadór ne’e.

Notísia Relevante :Aitana Laiha Osan Kontratu Jogadór Estranjeiru

Jornalista: Hortencio Sanchez                                          

Editór  : Agapito dos Santos

HAKEREK NO HATÁN

Please enter your comment!
Please enter your name here