Logo ministeriu saude

DILI, 24 setembru 2020 (TATOLI)-Diretór Nasionál Jestaun Finanseiru Ministériu Saúde, Marcelo Amaral, hateten Ministériu Saúde propoin tan osan adisionál millaun $ 6 hodi aumenta ba aumenta ba tetu fiskál 2020 ba selu dividas.

Tuir pakote fiskál ne’ebé maka Ministériu Saúde fó ba MS hamutuk millaun $ 36, no Uniaun Europeia apoiu tan millaun $ 2.2 ba programa nutrisaun.

Maibé husi montante ne’e, MS kalkula la to’o atu selu divida liliu despeza tranferénsia pasiente sira ba rai-liur uza no seluk tan dotasaun orsamentu temporariu (DOT), tanba ne’e maka Ministériu propoin tan millaun neen ba tetú inísiu hamutuk millaun $ 42.

”Dividas ne’ebé ita iha lubuk ida ha’u ladun hatene nia númeru ezatu maibé  dividas ba iha kategoria  hanesan catering, limpeza, ne’ebé mak halo ona iha ospitál referál sira no mós iha sentru internamentu  ne’ebé mak la konsege hadi’a  nia kontratu iha fulan-janeiru, fevereiru depois  hamosu dividas entaun ita la konsege selu tanba ne’e mak ita propoin tan adisionál 6 miloes,” nia hateten.

Jornalista : Felicidade Ximenes

Editór : Agapito dos Santos

HAKEREK NO HATÁN

Please enter your comment!
Please enter your name here