Prezidente CNE, Alcino Barris. Imajen TATOLI/Egas Cristovão.

DILI, 24 setembru 2020 (TATOLI)–Prezidente  Comissão Nacional de Eleições (CNE), Alcino Baris, hateten CNE husu osan adisionál rihun $400 ba hodi hala’o edukasaun sívika iha territóriu Timor-Leste.

Nia dehan, CNE mós anota hela no hein diskusaun plenaria mak sira sei propoin mak haree atu nune’e aumentu para CNE bele hala’o nia servisu.

“Ita-nia osan menus ona hodi hala’o programa ba formasaun edukasaun sívika tanba DOT ne’ebé fó ba ami mak $260 ne’e la to’o. Tanba ne’e, ita husu tan osan adisonál rihun $400 hodi bele kontinua to’o fulan novembru no dezembru tinan ne’e,” dehan Prezidente CNE, Alcino Baris, ba Agência TATOLI hafoin hala’o audénsia públika ho komisaun A iha Parlamentu Nasionál, Dili, kinta ne’e.

Alcino Baris hateten, CNE hato’o kestaun hirak ne’e ba Komisaun A no hato’o mós tinan fiskál 2020 nian ne’ebé mak ho orsamentu kategoria tolu hanesan orasamentu ida mai hosi saláriu vensimentu mak $785,450, transferénsia públika $6,000,000 no bens servisu  $490,076.                      

Nia esplika, traferénisa públiku tanba orsamentu ne’ebé mak aloka ba partidu polítiku sira ne’ebé asentu iha Parlamentu Nasionál tenke aloka hosi CNE ho montante ne’ebé mak boot.

Prezidente ne’e hatete, bens servisu ne’e CNE hodi utiliza ba formasaun hanesan resensiamentu obrigatóriu, viajén lokál no halo manutensaun.

Depois, nia deha, saláriu vensimentu ho orsamentu ne’ebé mak fiksu ona atribui ba komisáriu no funsionáriu sira ne’ebé mak durante ne’e servisu iha CNE.

“Ohin mós CNE relata formasaun ida kona-ba edukasaun sívika ne’ebé la’o ona iha territóriu Timor Leste ne’ebé mak fó prioridade liu ba estudante sira. Iha munisípiu sira oras ne’e la’o ona iha eskola no komunidade ne’ebé halo enkontru dala 100-resin ona no ema kuaze rihun 14 mak involve,” nia dehan.

Tanba ne’e, nia dehan, CNE hatete ba komisaun A PN atu ajuda formasaun ba CNE nian tanba CNE nia osan ba formasaun komesa menus, nune’e husu atu oinsá aumenta tan hodi bele to’o fulan dezembru tinan 2020 ne’e. 

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here