Ministru Prezidénsia Konsellu Ministru, Fidelis Manuel Leite Magalhães. Imajen Tatoli/Egas Cristovão

DILI, 23 setembru 2020 (TATOLI)- Governu liuhosi reuniaun Konsellu Ministru (KM) aprova ona projetu dekretu-lei ba alterasaun dahuluk ba dekretu-Lei númeru 19/2019, 31 jullu, kona-ba orgánika Ministériu Agrikultura no Peska (MAP).

Diploma ne’e aprezenta hosi Ministru Agrikultura no Peska, Pedro dos Reis iha reuniaun ezekutivu iha Palásiu Governu, kuarta ne’e.

“Projetu dekretu-lei ne’e ho objetivu atu armoniza substánsia lei orgánika ministériu nian ho atuál Lei Orgánika VIII Governu Konstitusionál, atu prevee estrutura orgánika ezistente hosi Vise-Ministru Agrikultura no Peska,” relata Ministru Prezidénsia Konsellu Ministru, Fidelis Manuel Leite Magalhães hafoin ramata reuniaun ezekutivu.

Dekretu-lei ne’e inklui aprovasaun logotipu MAP ofisiál ne’ebé sei tau iha dokumentu no impresu tomak ministériu ne’e.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here