Ministru Agrikultura no Peska, Pedro dos Reis. Imajen TATOLI/Evaristo Soares Martins.

DILI, 23 setembru 2020 (TATOLI)—Proposta Orsamentu Jerál Estadu (OJE) 2020 hosi Ministériu Agrilkutura no Peska (MAP) ba tinan fiskál 2020 hamutuk $7.265,085.

Tuir livru Planu Asaun preve proposta OJE 2020 hosi MAP hamutuk $7.265,085 komposta hosi saláriu no vensimentu millaun $3.471,102, bens millaun $3.567,543 kapitál minór $ 116,445 no kapitál dezenvolvimentu $109,997.

Iha livru planu asaun ne’e dekreve medida prinsipál setoriál hosi MAP nian mak promove hodi aumenta sustentável produsaun no produtividade hodi halo diversifikasaun ba produsaun agríkola, konstribui hodi mellora asesu ba merkadu no valór akresentada sira, asegura jestaun no prezervasaun rekursu naturál sira

Nune’e mós implementa polítika jéneru, promove boa governasaun no jestaun institusionál ne’ebé tutela ba ministériu refere, fortalese instituisaun no eleva kapasidade rekursu umanu.

Maske nune’e, Ministru Agrikultura no Peska, Pedro dos Reis, hateten Orsamentu Jerál Estadu 2020 só halo estabilizasaun uluk, tanba durante tinan rua nia laran la’o ho Dotasaun Orsamentu Temporária (DOT) entaun iha buat barak ne’ebé mak sistema DOT la fó dalan.

“Entaun iha dívida lubuk ida iha-ne’ebá, entaun ami propoin orsamentu 2020 nian ne’e karik aprova sei selu ba dívida sira-ne’ebé mak iha. Ha’u hanoin dívida ne’e surat tahan naruk tebes, manutensaun, ha’u atu esplika mais ha’u la lembra. Maibé dívida barak tebes,” Ministru Pedro dos Reis informa ba jornalista sira, hafoin ho Komisaun D (Ekonomia no Dezenvolvimentu), iha Parlamentu Nasionál, kuarta ne’e.

Ministru Agrkultura no Peska ne’e sei tenta halo esforsu hodi ezekuta hahú hosi outubru, novembru no dezembru.

“Ami-nia ezekusaun kuaze atinje 82%, tanba ne’e hela de’it milaun $2 de’it ona. Orsamentu ne’e halo kontinuasuan ba atividade sira-ne’ebé durante la’o iha dotasaun orsamentu temporaria nia laran,” nia dehan.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here