KOICA-KIDC sei implementa edukasaun futeból online ba EBS Farol no EBS 30 de Agosto.Imajen/KOICA-KIDC.

DILI, 23 setembru 2020 (TATOLI)-Organizasaun Internasionál KOICA-KIDC iha kuarta ne’e, implementa ona programa edukasaun futeból online hodi demostra ba eskola ensinu báziku Sentrál Faról no EBS 30 de Agostu Dili.

Objetivu husi programa ne’e tanba voluntáriu na’in 15 husi organizasaun internasionál ne’e daudaun ne’e seidauk fila mai Timor-Leste relasiona ho kazu pandemia globál COVID-19.

“Tanba Pandemia COVID-19, voluntáriu sira hamutuk ho superiór KOICA-KIDC nian foti desizaun atu halo edukasaun futeból online no demonstrasaun ba eskola EBS 30 de Agosto no EBS Faról ne’ebé sira suporta ona ekipamentu desportu no ekipamentu sira seluk tan,” informa Manager KOICA-KIDC, Choi Eun Young, liuhosi komunikadu imprensa ne’ebé maka Tatoli, asesu iha kuarta ne’e.

Eskola online ne’e hetan suporta másimu husi Governu Korea no KOICA-KIDC hodi fahe koñesimentu ba estudante sira oinsá atu pinta, pasa, tebe bola no ikusliu taka ho mini jogu futeból.

KOICA-KIDC nia voluntáriu ne’ebé treinadár profesionál futeból nian rasik mak prepara video ne’ebé sai hanesan materiál ba aula online ne’e rasik.

“Aula online ne’e hahú tiha ona iha loron 23 fulan-setembru no sei ramata iha loron 23 fulan-outubru, hafoin ramata aula online durante semana  haat atividade ne’e sei ramata ho mini kompetisaun futebol entre EBS 30 de Agosto no EBS Faról,” nia dehan.

Prátika desportu online ne’e sei akontese ihga loron 17 fulan-outobru iha Kampu Federasaun Futeból Timor-Leste.

Jornalista: Hortencio Sanchez

Editór: Agapito dos Santos

HAKEREK NO HATÁN

Please enter your comment!
Please enter your name here