Jogador As Ponta Leste kontra Nagardjo Fc iha Estadiu Munisipal Dili.Imajen/Midia FFTL.

DILI, 23 setembru 2020 (TATOLI)-Jogu kontinuasaun kopa Federasaun Futeból Timor-Leste (FFTL), entre klube AS Ponta Leste versus Nagardjo Fc iha Estádiu Dili, kuarta ne’e, Ponta Leste, konsege halakon ninia adversáriu ho golu úniku 1-0.

Golu ne’e úniku ne’e prodúz husi Jogadór Ponta Leste, Silveiro Garcia (27), hodi lori klube ne’e ultrapasa ona ba oitavo finál ho pontu 12 hodi lidera grupu B kompostu husi Atletico Ultramar, Nagardjo Fc, Aitana Fc, AS Marca Fc no FIEL Fc.

Notísia Relevante :Hatrick Garcia lori Ponta Leste manán Ultramar 4-1

Silveiro Garcia (27) lansa golu ne’e iha minutu adisionál lima iha jogu ikus nian tanba iha primeira parte to’o segundu parte klube rua seidauk hatama golu ba malu.

Maski manán ho rezultadu mihis maibé lori satisfasaun boot ba klube tanba bele hakat ona ba oitavu finál.

“Jogu ohin ne’e kapas tebes, ami lakon ohin mós ami kontinua hakat ba oitavu finál,”  Treinadór Ponta Leste, Eduardo Pereira, ba Tatoli iha Estádiu Dili, kuarta ne’e.

Iha sorin seluk treinadór Nagardjo, Miguel Soares, sente triste tanba derrota maski nia jogadór sira esforsu atu manán maibé la konsege atinje objetivu klube nian.

“Sente triste maibé jogu mak hanesan ne’e ona husi rezultadu ohin ne’e bele motiva ami atu hadi di’ak liuba oin tanba jogu sei naruk liliu liga,” nia hateten.

Notísia Relevante :Klube AS Ponta Leste fiar sei kompete iha kopa FFTL

Jornalista: Hortencio Sanchez

Editór    : Agapito dos Santos

HAKEREK NO HATÁN

Please enter your comment!
Please enter your name here