Reitor Unital, Florindo Pereira. Imajen Egas Cristovão

DILI, 22 setembru 2020 (TATOLI)Magnífiku Reitór Universidade Orientál Timor Lorosa’e (UNITAL), Florindo Pereira, informa estudante finalista hamutuk ema na’in 746 maka halo graduasaun durante tinan 2020.

Serionia graduasaun ne’e komesa ona iha loron 21 no sei ramata iha loron 23 fulan-setembru iha kampus UNITAL Dili.

Graduadu UNITAL hirak ne’e estuda iha fakuldade hitu no departamentu 52. Fakuldade hirak ne’e maka Direitu, Siénsia Edukasaun, Agrikultura, Ekonomia, Enjinária, Saúde no seluk tan.

“Tinan ida ne’e ita halo tan graduasaun ba estudante finalista na’in 746 maibé graduasaun ne’e ita realiza loron ida dala rua dadeer no lokoraik durante loron tolu nia laran, tanba ita lakohi kontra regulamentu distánsia sosiál,” dehan nia ba Tatoli, iha salaun UNITAL Becora, tersa ne’e.

Durante ne’e, nia dehan UNITAL halo ona graduasaun ba estudante finalista pruvolta 3.382.

Jornalista : Tomé  Amado

Editór   : Agapito dos Santos

HAKEREK NO HATÁN

Please enter your comment!
Please enter your name here