Ministra Saúde, Odete Maria Freitas Belo. Imajen /Egas Cristovão

DILI, 22 setembru 2020 (TATOLI)-Ministra Saúde, Odete Maria Freitas Belo, hateten proposta orsamentu jerál estadu ba tinan 2021, nia parte sei fó prioridade ba saúde primária.

“Ita-nia asuntu mak tau nafatin atensaun ba kuidadu saúde primária tanba ita tau atensaun maka’as ba iha ne’ebá konserteza ita bele redúz servisu referál nian ba iha rai-liur, hanesan ita-nia pasiente sira halo deteta ba moras sedu liu ita mós bele halo tratamentu sedu liu la presiza haruka ona pasiente ba liur,” informa Governante ne’e ba jornalista sira iha edifísiu Ministériu Finansa Aitarak-Laran Dili, tersa ne’e.

Alende koidadu saúde primária, nia dehan sei fó prioridade ba área koidadu saúde sekundariu no seluk tan.

Iha tetu fiskál 2021 ne’ebé maka Ministériu Finansa fó ba MS hamutuk millaun $ 50-resin, hodi aloka ba kapitál dezenvolvimentu, kapit’al menór, salariu no vensimentu, bens servisu no seluk tan.

“Orsamentu ba ami, ami propoin millaun $ 50-resin ida ne’e iha ami nia pakote, horseik iha ami nia aprezentasaun ami mós iha instituisaun autónomu  ida mak ambulánsia ami propoin tan proposta balu fiar katak bele aprova hodi utiliza,” tenik tan.

Jornalista: Hortencio Sanchez

Editór :Agapito dos Santos

HAKEREK NO HATÁN

Please enter your comment!
Please enter your name here