Vise Ministru Interiór, António Armindo. Imajen Tatoli/Egas Cristovao

DILI, 22 setembru 2020 (TATOLI)-Vise Ministru Interior (MI),António Armindo, informa Ministériu Interiór  orienta ona Komandu Jerál Polísia Nasionál Timor-Leste (PNTL) hodi koloka tan membru husi Unidade Batallaun Orden Publika (BOP) ho Kompañia Operasaun Espesiál (COE) hodi reforsa seguransa iha liña fronteira terrestre.

Notísia Relevante : Ema balun fasilita membru PSHT sa’e sabuk iha Indonézia

“Ita haruka BOP ho COE ba tiha ona iha fronteira atu reforsa seguransa iha liña fronteira terrestre nian,”  informa Vise Ministru Interiór, António Armindo hodi responde Agência Tatoli, ohin, iha JL.Villa, Fatuhada, Dili.

Nia hateten, ho kolokasaun aumenta membru polísia hirak ne’e bele hala’o kontrola di’ak liután hodi minimiza movimentu illegal ne’ebé agora maka’as iha liña fronteira terrestre Timor-Leste ho Indonézia.

Antonio Armindo, preokupa ho movimentu illegal husi  membru organizasaun arte-marsiál Persaudaraan Setia Hati (PSHT) ho númeru boot ba sa’e sintu ka pengesahan iha Kupang-Indonézia, ne’ebé bele fó impaktu ba Timor-Leste iha esforsu Estadu nian luta kontra propagasaun COVID-19.

Governante ne’e enkoraja ba ema hotu ne’ebé hala’o viajen karik atu koopera ho dalan legal, nune’e  obrigatóriu hodi submete ba konfinamentu obrigatóriu durante loron 14 hodi halo prevensaun ba  propagasaun peste letál COVID-19.

Antes ne’e Governu liu husi Konsellu Ministériu  deside ba movimentasaun ema   husi fronteira terrestre kada fulan dala ida ba ema bele tama no iha kada  kuarta autoriza ba sasán nesesidade báziku bele hatama liuhusi fronteira terrestre.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here