Diretóra Executivo Fundasaun Alola, Maria Imaculada Guterres. Imajen/ Egas Cristovão

DILI, 22 setembru 2020 (TATOLI)-Diretora Ezekutivu Fundasaun Alola, Maria Imaculada Guterres, informa nia parte kada fulan implementa regularmente programa promosaun hahan nutritivu ba komunidade suku 36 iha Munisípiu Dili.

Ekipa tékniku husi Fundasaun Alola nian komesa ona programa ne’e iha fulan-agostu 2020 liuba hodi halo demostrasaun ba inan sira maneira tein aihan husi produtu lokál  ne’ebé iha nutrisaun ba hasa’e nutrisaun hodi prevene mánutrisaun iha Timor-Leste.

“Menu aihan ne’e tenki troka beibeik nune’e bele iha nutrisaun ne’ebé maka di’ak ba labarik sira,” dehan Nia ba jornalista sira iha ninia servisu fatin, tersa ne’e.

Nia hatutan : “Ami fó informasaun kona-ba demostrasun tein la’ós ba inan aman de’it maibé ba família tomak atu sira bele  tein hahán ne’ebé mak iha nutrisaun ba labarik tinan lima mai kraik,’’

Nia dehan hahan sira ne’e iha nutrisaun maibé maneira no koñesimentu mak laloos.

“Ezemplu inan sira dehan labarik sira han modo tahan kabun moras maibé ami esplika katak la’ós modo tahan mak halo kabun moras maibé labarik mak liman la fase no inan sira ne’ebé prepara hahan mak liman la fase banhira fó han labarik hodi hamosu kabun moras,’’ katak nia.

Jornalista : Felicidade Ximenes

Editor : Agapito dos Santos

HAKEREK NO HATÁN

Please enter your comment!
Please enter your name here