Diretór Edukasaun Rejionál Oekuse, Daniel Mauno. Imajen TATOLI/Cipriano Colo

DILI, 21 setembru 2020 (TATOLI)-Servisu Edukasaun Rejiaun Administrativa Espesiál Oé-Cusse Ambeno (RAEOA), Daniel Mauno, informa nia parte simu ona orariu husi Ministériu edukasaun Juventude no Desportu (MEJD) kona-ba oráriu ezame nasionál no lokál ba estudante ensinu báziku no estudante sekundáriu sira iha loron 16 to’o 21 fulan-novembru 2020.

“Orientasaun ha’u simu ne’e hateten katak ezame nasionál sei  realiza iha loron16 to’o18 no ezame lokál hahú husi 18 to’o 21 ne’e,” informa nia ba Tatoli, via telefone, segunda ne’e.

Ekipa tékniku husi MEJD maka sei prepara matériu hirak ne’e depois maka edukasaun rejionál foti hodi lori bá RAEOA.

“Sistema ne’e sei nafatin hanesan tinan-tinan sira husi nasionál mak prodúz materia sira ne’e depois mak ita ba foti, maibé ita seidauk hatene data fiksu distribuisaun matéria ezame nian ne’e bainhira,” katak nia.

Totál estudante husi pre-eskolár to’o ensinu sekundáriu ékniku vokasionál hamutuk rihun 24.

Jornalista : Tomé Amado               

Editór       : Agapito dos Santos

HAKEREK NO HATÁN

Please enter your comment!
Please enter your name here