DILI, 21 setembru 2020 (TATOLI)- Provedoria Direitu Umanu no Justisa (PDHJ), ohin, realiza formasaun kona-ba direitu umanu ba ofisiál FALINTIL- Forsa Defeza Timor-Leste (F-FDTL) iha komponente Terrestre iha Munisípiu Baucau.
Notísia Relevante : PDHJ rejista keixa 155 violasaun direitu umanu no boa governasaun
Formasaun ne’e realiza tanba ekipa konjunta kompostu husi PDHJ, Ministériu Defeza, F-FDTL no Unidade Asesoria Direitu Umanu (UADU)-ONU iha Timor-Leste, fasilita treinamentu hamutuk kona-ba kna’ar F-FDTL no Direitus Umanus ba Ofisiál F-FDTL.
Treinamentu ne’e hala’o durante loron 5, husi loron 21 to’o 25 setembru 2020. Liu husi komunikadu imprensa ne’ebé ohin, Agência Tatoli asesu , Provedora Adjunta Direitu Umanus PDHJ, Benicia Eriana Magno iha abertura ba formasaun ne’e hatete, treinamentu ne’e realiza tanba iha kooperasaun entre entidade hirak ne’e, ho objetivu atu kapasita forsa sira atu hala’o servisu di’ak liután hodi respeita ba direitu fundamentál ema nian ne’ebé konsagra iha lei.
Notísia Relevante : PDHJ Fó Formasaun Direitu Umanu Ba Membru F-FDTL
Jornalista : Nelson de Sousa
Editór : Francisco Simões
