Traballadór Seguransa Gardamor hala’o protesta hasoru kompañia hodi eziji sira-nia direitu, iha edifísiu Gardamor, Fatuhada, segunda (21/09). Imajen Tatoli/António Gonçalves

DILI, 21 setembru 2020 (TATOLI)-Asesór Jurídiku Kompañia Gardamor, Sabino Gloria da Costa, hateten kompañia prontu kontrata fali traballadór ne’ebé lakon ona empregu no halo asaun greve hasoru kompañia.

“Pozisaun kompañia nian maka lei traballadór hateten buat rua, ida fó empregu no seluk tenke halo indemnizasun, entaun ami-nia posizaun maka atu fó fali empregu ba traballadór sira,” dehan Asesór Jurídiku ne’e ba Agência Tatoli, iha ninia knaar fatin, Fatuhada segunda ne’e.

Traballadór ne’ebé halo greve hasoru kompañia hanesan traballadór seguransa ne’ebé serbisu iha postu Banco Nacional Ultramarino (BNU) no kompañia hapara kontratu maibé balun Gardamor konsege kontratu fali hodi tau iha postu foun, seluk maka lakohi.

Notísia Relevante: Traballadór seguransa Gardamor na’in-42 ezije direitu ba kompañia

 “Sira nia maluk balun mai filafali hodi halo serbisu maibé sira ne’ebé hili lakohi mai ne’e maka kompañia tau perguta tanba saida maka sira seluk mai serbisu enkuantu imi lakohi ne’e razaun saida?,” Sabino Gloria kestiona.

Tuir nia, iha postu BNU iha kompañia seluk maka manan konkursu tanba ne’e la’ós ona ho Gardamor.

Parte Gardamor mós hakarak halo diálogu ho Sindikatu Jerál Traballadór Timor-Leste (SJT-TL) ho traballadór sira atubele hetan solusaun.

“Sei iha oportunidade ba sira halo diálogu ho kompañia, bainhira de’it maibé depende ba Sindikatu Jerál Traballadór tanba sindikatu maka organiza sira, ami nafatin nakloke ba diálogu,” nia subliña.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here