Imajen/Media PN.

DILI, 21 setembru 2020 (TATOLI)—Ministériu Finansa (MF) hein de’it Ministériu Solidariedade Sosiál no Inkluzaun (MSSI) ne’ebé oras ne’e besik finaliza lista reklamasaun subsídiu hafoin halo pagamentu.

Notísia Relevante: Governu aprezenta rezultadu ezekusaun DOT no fundu COVID-19 ba PN

Ministru Finansa, Fernando Hanjam, hateten lista reklamasaun até agora seidauk halo pagamentu tanba iha semana liubá halo enkontru ho Ministériu Solidariedade Sosiál no Inkluzaun. Ministru Finansa ne’e ejize ona ba MSSI atu tenke hatama ona dokumentu sira-ne’ebé ke aprovadu nune’e Ministériu Finansa bele halo pagamentu.

“Sira (MSSI) hateten agora daudaun sira finaliza ona sira-nia reklamasaun no to’o ikus bele entrega ba Ministériu Finansa hodi halo pagamentu. Reklamasaun sira-ne’e kuaze 14 mill (rihun 14) uma kain, ne’ebé agora daudaun iha faze ikus atu finaliza ida-ne’e, nune’e ita bele halo pagamentu,” Ministru Finansa Fernando Hanjam esplika iha ámbitu aprezentasaun relatóriu ezekusaun Dotasaun Temporáriu Orsamentál no Fundu COVID-19, iha plenária Parlamentu Nasionál, segunda ne’e.

Ministru Finansa ko’alia asuntu ne’e tanba Xefe Bankada Partido Democrático, António da Conceição, husu ho pergunta téknika kona-ba ezekusaun Fundu COVID-19 ninian tanba porsaun boot hosi fundu COVID-19 ne’e mak kuaze liga de’it ba subsídiu agregadu familiar.

Deputadu António da Conceição hateten, ligadu ba subsídiu agregadu familiár ninian ne’e sá desizaun mak agora Governu hola ona intermu kontinuasaun pagamentu ba família sira-ne’ebé mak durante ne’e seidauk simu ka sira-ne’ebé kontesta ou reklamante sira-ne’e (reklamasaun) nune’e justisa ba povu hotu.

“Ita labele dada tempu ida-ne’e, agora daudaun aplika nafatin Estadu Emerjénsia maibé ita mós la fó kontinuidade ba medida polítika sira-ne’ebé mak ita hola antes ne’e benefísia ona sira seluk, enkuantu populasaun balun seidauk benefísia inklui sira-ne’ebé iha liña frente. Ha’u la presiza esplika espisífika tanba ami simu kontestasaun ne’e barak tebes. Gvernu tenke fó ona deklarasaun klara ida atu solusiona problema sira-ne’e. Sera que iha planu kontinuidade pagamentu ba família agregadu sira ka lae,” Kalohan hateten.

Notísia Relevante: Ekipa MSSI finaliza ona análiza ba reklamante 15.280

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here