Ministra Saude, Odete Maria Freitas Belo, hamutuk ho Doador sira ensera programa peskiza ba aihan iha TL

DILI, 19 setembru 2020 (TATOLI)-Governu liuhosi Ministériu Saúde, sesta ne’e halo ona enseramentu ba programa peskiza kolesaun dadus ba aihan nutrisaun faze daruak iha Timor-Leste iha Munisípiu Manatuto.

Programa kolesaun dadus ne’e implementa ona iha fulan hirak haat liubá ba Munisípiu 12 inklui Rejiaun Administrativa Espesiál Oé-Cusse Ambeno (RAEOA).

Notísia Relevante :Governu Hahú Halo Kolesaun Dadus ba Aihan no Nutrisaun iha TL

”Tanba ita sei iha kolesaun de dadus ita seidauk iha rezultadu ida ne’e foin mak ita kolekta husi Munisípiu sira entaun dadus ne’ebé mk iha tenki halo analize depois mak foin hetan rezultadu,” dehan Ministra Saúde, Odete Maria Freitas Belo, iha Manatuto, sesta ne’e.

Kazu má nutrisaun iha Timor-Leste maioria akontese ba labarik no inan sira tanba ne’e ho peskiza ne’e sei tulun Governu atu prevene no kombate má nutrisaun.

”Espera katak rezultadu husi peskiza ida ne’e ita bele hetan má nutirisaun ida ne’ebé mak di’ak kompara ho númeru ne’ebé mak uluk ita uza hela hanesan peskiza iha tinan 2016 ne’ebé mak ita halo ona ,” tenik tan.

Durante fulan haat peskizadór Ministériu Saúde na’in 64 maka halo peskiza ona ba uma-kain 12.800-resin iha Munisípiu 12 inklui RAEOA.

Jornalista: Felicidade Ximenes

Editór: Agapito dos Santos

HAKEREK NO HATÁN

Please enter your comment!
Please enter your name here