Kapitaun Academica, Tozi Junior ho Treinador halo konferensia imprensa hafoin derrota ho Sporting.Imajen/Midia FFTL.

DILI, 18 setembru 2020 (TATOLI)-Kapitaun Klube Academica FC, Tozi Juniór, hateten derrota ho klube Sporting Clube de Timor (SCT) iha sesta (18/09) hanesan lisaun ba klube atu hadi’a fallansu ne’ebé maka iha.

Iha sesta ne’e, klube Academica tenki simu derrota tanba lakon ho Sporting ho golu 3-1, nune’e prepara aan atu hakat sai husi portaun kopa FFTL époka 2020.

Notísia Relevante:Derrota ho Sporting, Academica besik foti ain sai husi Kopa FFTL

“Lakon sira ami hasoru to’o labele hakat ona ba oin ne’e hanesan lisaun ida mai ami hodi hadi’a, falta jogu ikus maski ami lakon ou manán mós sei lá tama maibé ami sei hatudu jogu ne’ebé di’ak,”  katak Tozi ba Tatoli hafoin jogu ne’e ramata iha Estádiu Munisipál Dili.

Klube ne’e lakon iha kompetisaun sira ba kotuk no sesta ne’e tanba jogadór maioria juniór kompara ho jogadór seniór.

Iha sorin seluk, treinadór Sporting Clube de Timor, Moises da Silva, hateten vitoria ne’ebé nia ekipa hetan hanesan prezente ida ne’ebé maka klube ne’e hakarak oferese ba Prezidente klube ne’ebe maka daudaun ne’e halo hela tratamentu saúde iha estranjeiru tanba moras.

Nia promete iha jogu sira tuirmai sei esforsu atu manán hodi lori klube ne’e hakat ba oitavu finál.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here