Konferénsia imprensa husi MNEK, aprezenta husi diretór jerál Juvêncio Martins akompañadu husi diretór priviléjiu no imunidade, Vanio Florival no Diretór Asuntu Konsulár, Celio Moniz. Foto TATOLI: Rafy Belo

DILI, 18 setembru 2020 (TATOLI)-Diretór Jerál Ministériu Negósiu Estranjeiru no Kooperasaun (MNEK), Juvencio Martins, informa iha tempu badak sei fasilita estudante Timoroan na’in 14 ba eskola iha Portugal.

“Loloos ne’e ami simu informasaun estudante hamutuk na’in 50 mak atu aranka ba Portugal, maibé iha problema uitoan billete mós folin karun entaun tuun tia ba ema na’in 14 mak atu bá,” informa nia ba jornalista sira iha MNEK, Dili.

Notísia Relevante : Iha posiblidade Aviaun Euro Atlantico mak sei tula Timoroan fila mai TL

MNEK kontaktu ona Embaixada Portugal hodi ko’alia kona-ba prosedementu legál atu oinsá fasilita estudante sira ba Portugal iha situasaun pandemia globál COVID-19.

Estudante hirak ne’ebé maka  atu bá eskola iha Portugal ne’e família maka selu rasik la’ós bolseiru sira husi Governu nian.

“Sira nia eskola ida uluk Rui Sinati ne’e halo ona kontaktu ho Universidade sira iha Portugal hanesan, Porto, Coimbra , Lisboa no seluk tan admite sira bá eskola iha ne’ebá,” dehan nia.

Tuir planu estudante hirak ne’e sei bá Portugal ho aviaun Euro Atlantic ne’ebé maka iha tempu badak sei tula profesór Portugés inklui Timoroan balun mai Timor-Leste.

“Vou ida de’it, ida ne’e hanesan oportunidade entaun sira tenke ba uluk tia mak hein iha ne’ebá tanba universidade haruka konfirmasaun mai hodi lori konfirmasaun ne’e ba trata viza estudante iha Embaixada Portugal iha ne’e, maibé labele tanba vou ida de’it ohin ami bolu sira mai hotu para halo esplikasaun ba sira katak ami esforsu ko’alia ho Embaixada Portugal iha ne’e fó sira ba mak trata sira nia dokumentu iha Portugal,” tenik Diretór ne’e.

Enkontru ohin involve mós inan-aman estudante sira nian hodi esplika kona-ba prosedementu legal atu ba Portugal no moras pandemia globál COVID-19 ne’ebé daudaun ne’e akontese iha mundu.

Notísia Relevante :Pilotu EuroAtlantic: “TL Nia Pista Ki’ik Maibé Ha’u Toman Ona”

Jornalista  : Hortencio Sanchez

Editór        : Agapito dos Santos

HAKEREK NO HATÁN

Please enter your comment!
Please enter your name here