Membru 'Natureza Labarik" iha sela TDD. Imajen Tatoli/António Gonçalves

DILI, 17 setembru 2020 (TATOLI)-Tribunál Distritál Dili (TDD), ohin, liuhusi julgamentu primeiru interrogatóriu aplika termu identidade rezidénsia (TIR) ba membu  grupu ‘’Natureza Labarik’’  na’in-39  no   na’in-ida aplika medida koasaun aprezentasaun periódika.

Notísia Relevante : PNTL detein membru grupu “Natureza Labarik” 

Arguidu hirak ne’e kumpre ona detensaun oras 72  nia laran no ohin kontinua hala’o julgamentu ba primeiru interrogatóriu.

Membru ‘Natureza Labarik”. Imajen Tatoli/António Gonçalves

Polísia Nasionál Timor-Leste (PNTL) kaptura arguidu  ne’e iha loron  13 setembru 2020, tuku 14:00 Otl, Suku Madohi, Postu Administrativu Don Aleixo, Dili, tanba iha indísiu  hala’o atividade adorasaun hodi bosok komunidade sira maioria ferik no katuas husi Postu Administrativu Venilale, Munisípiu Baucau.

Prosesu ne’e MP  akuza arguidu sira ho krime haat hanesan  arma branka, asosiasaun kriminoza,  borla agravadu no furtu agravadu

Advogada  privada Virna de Carvalho  ne’ebé fó asisténsia ba arguidu sira hateten, desizaun Tribunál nian ne’e fundamentu no justu tanba atividade ne’ebé arguidu sira  hala’o arte ritual apenas halibur malu feto-sá-umane mai husi lisan ida de’it husi Postu Administrativu Venilale, Baucau.

“Ho razaun ne’e  Tribunal aplika TIR ba arguidu na’in-39 no na’in-ida ho inisiál BC Tribunál aplika aprezentasaun periódika, tanba laiha indísiu ne’ebé forte katak arguidu sira la prienxe krime sira ne’ebé mak MP  akuza,” hateten advogada Virna de Carvalho.

Iha audiénsia MP  iha nia alegasaun  solisita Tribunal aplika prizaun preventiva ba arguidu sira no defeza laiha konviksaun ho parte MP nian no mantein husu medida koasaun ba arguidu sira.

Julgamentu ne’e prezide husi Juiza Julmira Auxiladora, Ministériu Públiku reprezenta prokuradór Jacinto Babo no arguidu hetan asisténsia legal husi advogada privadu Virna de Carvalho no Adelina Meluc.

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here