Diretor Klinka HNGV, Flavio Brandao. Imajen/Felicidade Ximenes.

DILI, 17 setembru 2020 (TATOLI)-Diretór Klínika Ospitál Nasionál Guido Valadares (HNGV-sigla portugés), Flavio Brandão, husu ba profesionál saúde sira iha HNGV atu servisu ho profesionál hodi fó atendimentu ba pasiente sira ho seguru liután.

Flavio Brandão, hato’o kestaun ne’e durante selebra loron mundiál pasiente seguru ne’ebé hala’o iha resintu HNGV, Dili kinta ne’e.

Notísia Relevante :Família Pasiente Husu Pesoál Saúde Fó Atendimentu Ho Étika

“Selebra  ne’e ita atu fó atensaun di’ak liu oinsá mak ita seguru no mós pasiente inklui mós ba pesoál saúde sira,” dehan nia.

Selebrasaun ohin atu fó hanoin ba profesionál saúde sira atu kontinua presta servisu liliu fó atendimentu liuhosi prevensaun moras nune’e pasiente sira bele sente seguru bainhira halo tratamentu saúde iha Postu Saúde, Sentru Saúde, Ospitál Referál no Ospitál Nasionál.

”Ba pasiente sira oinsá mak pesoál saúde sira tenki proteje sira-nia privasidade ida ne’e mak ita kontinua alerta atu nune’e ba oin sai diak liután,” katak Brandão.

Atu garante seguru ba pasiente sira, nia tenik tan pesoál saúde sira maka servi ho konsiénsia ho domin la’ós atende pasiente atu kumpre de’it padraun protokolu saúd nian.

”Importante liu mak mensajen katak pasiente nia seguru ne’e prioridade másimu ba iha pesoál saúde sira koko para tau importansia ida ne’e ba oin nafatin,” hateten nia.

Notísia Relevante :VPM Propoin MS Fó Atendimentu Di’ak ba Pasiente sira

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here