Transporte para iha Estasionamentu iha área Banco Nasionál Ultramarinho (BNU) nia oin. Imajen/Eugénio Pereira

DILI, 17 setembru 2020 (TATOLI)–Ministériu Administrasaun Estatál, liuhosi Diresaun Diresaun Nasionál Organizasaun Urbana (MAE-DNOU), Hermínio Moniz Ribeiro hateten, iha 2021 sei alarga tan estasionamentu ba fatin estaratéjiku sira iha Dili laran, hanesan Avenida Francisco Xavier do Amaral, Rua Moxambique mai to’o iha Pateo nian.

“Iha 2021, ami planu sei halo tan estasionamentu ba fatin estratéjiku sira iha Dili hanesan Avenida Francisco Xavier do Amaral, Rua Moxambique mai to’o iha Pateo nian inklui ho Travesa balun,” dehan Diretór DNOU-MAE, Hermínio Moniz Ribeiro, ba Agência TATOLI iha nia knaar fatin Colmera, Dili, kuarta ne’e.

Nia dehan DNOU foin mak halo estasionamentu iha Avenida no Rua nian tanba dalan rua (2) ne’e mak bainbain ema halo atividade barak.

“Tanba ne’e mak ita hanoin halo estasionamentu iha fatin rua ne’e hodi bele fó espasu ba kareta ho motor sira para tanba normalmente fatin estratéjiku sira-ne’e besik liu ba Avenida ho Rua. Ho nune’e planu halo estasionamentu iha fatin rua ne’e hodi bele hetan reseita di’ak,” nia dehan.

Nia hateten, estasionamentu iha Avenida iha tolu (3) hanesan Avenida Liberdade Imprensa nian, Avenida 20 de <aio ho Avenida Martires da Patria. Agora. nia dehan, Rua mós iha estasionamentu rua (2) ida mak Rua de Colmera no Rua de 5 de Maio nian.

Tanba, nia informa, iha kapitál Dili sinais dalan nian iha haat (4) de’it hanesan Avenida, Rua, Travessa no Beco. Maibé DNOU hanoin no planu  estabelese estasionamentu iha Avenida ho Rua tanba fatin rua ne’e mak fatin estratéjiku hodi hetan reseita. Travessa ho Beco labele halo tanba laiha atividade barak ka akumula ema barak iha fatin refere.

Jornalista : Osória Marques

Editór : Cancio Ximenes

 

HAKEREK NO HATÁN

Please enter your comment!
Please enter your name here