Responsavel KDA’I Karlito Nunes (tuur iha liman kuana). Imajen TATOLI/Osória Marques.

DILI, 17 setembru 2020 (TATOLI)—Responsavel Kdadalak Institute of Public Policy (KDA’I), Karlito Nunes hateten, ohin, KDA’I realiza sorumutu meza kabuar ba dahuluk hodi promove diskusaun bazea ba esperiénsia sistema eleisaun ne’ebé Timor-Leste uza durante ne’e, ho objetivu atu fó oportunidade ba membru Conselho Consultivo atu aprezenta no halo diskusaun kona-ba vantajen no dezvantajen modelu tolu sistema eleisaun iha mundu.

“Sorumutu Meza Kabuar ba dahuluk nian ne’e hala’o ho objetivu atu fó oportunidade ba membru Conselho Consultivo atu aprezenta no halo diskusaun ho membru sira tomak kona-ba vantajen no desvantajen modelu tolu (3) Sistema eleisaun iha mundu liuliu iha nasaun sira ne’ebé adota sistema demokrasia no promove diskusaun bazea ba esperiénsia Sistema eleisaun ne’ebé mak Timor-Leste uza durante ne’e,” dehan Responsavel Kdadalak Institute of Public Policy (KDA’I), Karlito Nunes, liuhosi komunikadu 09:43:3809:43:39ne’ebé Agência TATOLI asesu, kinta ne’e.

Nia hatutan, partisipante ka audénsia sira ne’ebé partisipa iha sorumutu meza kabuar ba dahuluk ne’e mai hosi partidu polítiku sira-nia reprezentante, Comissão Nacional Eleição (CNE), Asosiasaun HAK, estudante Universidade Nacional Timor Lorosa’e (UNTL) hosi Fakuldade Siénsia Polítika, no estudante Universidade da paz (UNPAZ) hosi Fakuldade Siénsia Polítika.

Tuir nia, panelista sira ne’ebé atu fahe sira-nia hanoin kona-ba eleisaun ne’e mak Prezidente CNE Alcino Baris ka Komisariu CNE Bernardo Cardoso, observadór polítika hosi UNTL Camilo Ximenes, membru Parlamentu Nasionál hosi bankada CNRT Carmelita Moniz, Eis-Ministra Justisa Lucia Lobato, no Responsavel KDA’I Karlitu Nunes.

Jornalista: Osória Marques

Editór: Cancio Ximene

HAKEREK NO HATÁN

Please enter your comment!
Please enter your name here