Logo Ministériu Saúde.

DILI, 16 setembru 2020 (TATOLI)-Ministériu saúde to’o kuarta ne’e konsege ezekuta ona orsamentu ne’ebé aloka ba prevensaun COVID-19 hamutuk pursentu 33.15 husi totál orsamentu $ 49.939.860.

Diretór Nasionál Orsamentu Jestaun Finanseiru Ministériu Saúde, Marcelo Amaral, relata pursentu 33.15 ne’e ho totál osan millaun $ 14.6 ne’ebé konta mós ho kompromisu sira.

Notísia Relevante :UNDP entrega ona ekipamentu COVID-19 ho valór osan millaun $ 4.6

”Se ita haree ba mínimal ezekusaun ne’e iha millaun $ 14.6 mak ezekuta ona no iha millaun $ 2  mak iha prosesu atu bele halo ezekusaun tanba agora daudaun iha millaun $ 8 iha prosesu kompromisu,” informa nia ba Tatoli, iha Caicoli, kuarta ne’e.

Millaun $ 5.7 fó ba UNDP hosi sosa ekipamentu prevensaun COVID-19, rihun 300 transfere ba UNICEF hodi sosa ekipamentu médiku, rihun $ 100 aloka ba CVTL hodi apoiu Ministériu Saúde ba programa triajén no lojístiku.

”Osan hirak ne’e mós aloka ba iha profisionál saúde ne’ebé mak durante ezerse sira-nia servisu iha situasaun COVID-19 nian no mós aloka ba iha pagamentu catering tanba forñese bá kuarantena no izolamentu, otél sira ne’ebé mak iha,” tenik tan.

Enkuantu, orsamentu restu millaun $ 25.4-resin ne’e sei ezekuta atu selu projetu konstrusaun kuarentena no izolamentu  iha Bobonaro no Covalima.

”Daruak tuir planu atu transferénsia tan ba iha UNDP para sosa tan ekipamentu médiku no insumus médiku nian,” katak nia.

Notísia Relevante :Governu simu apoiu ekipamentu COVID-19 husi UNICEF

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here