Diretór Ezekutivu ANAAA, Edmundo da Silva Viegas. Foto: UNILAB

DILI, 16 setembru 2020 (TATOLI)-Diretór Ezekutivu Ajénsia Nasionál ba Avaliasaun Akreditasaun Akadémiku (ANAAA), Edmundo da Silva Viegas, hateten Governu liuhosi Ministériu Ensinu Superiór Siénsia no Kultura (MESSK), sei la legaliza diploma estudante finalista ne’ebé maka sira-nia fakuldade seidauk hetan akreditasaun mezmu halo ona graduasaun ikus.

Nia dehan kestaun ne’e relasiona ho planu Fakuldade Edukasaun Arte no Humaniora (FEAH) Universidade Nasionál Timor Lorosa’e (UNTL) iha tinan ne’e sei halo graduasaun ba estudante finalista sira maski kursu seidauk hetan akreditasaun husi ANAAA.

Notísia Relevante :ANAAA avalia ona kursu 105, ida taka

“Sira bele realiza graduasaun maibé problema mak labarik sira-nia diploma ne’e ministériu sei la rekoñese,” dehan nia ba Tatoli iha Matadouro, kuarta ne’e.

Nia dehan iha alternativa seluk ida maka finalista sira bele halo graduasaun maibé tenki tuir ezame sertifikasaun husi Governu depois pasa maka legaliza sira-nia diploma.

Entretantu, antes ne’e ANAAA rejista ona kazu purvolta estudante na’in tolu maka sira-nia diploma la hetan legalizasaun husi Governu.

Notísia Relevante :Seidauk Akredita, FEAH-UNTL kontinua prepara kondisaun

Jornalista : Tomé Amado

Editór       : Agapito dos Santos

2 KOMENTÁRIU

  1. Husu ba parte ministeru ensinu superior no AnAA tenki hare problema Hira nee oinsa bele problema Mak estudante Sira iha instituisaun privadi no publiku atu nunee labele fo fali inplikasaun ba estudante sira Nia estudu

  2. Izame teze ne izame sientifiku husi universidade, passa mak hafoin hakat ba graduasaun. Se iha tan izame ida husi governu ntaun univesidade lalika fo izame. Governu mak fo izame dala ida deit.

HAKEREK NO HATÁN

Please enter your comment!
Please enter your name here