Pesoal Saude sira iha Departementu Hemodialisa HNGV.Imajen/Felicidade Ximenes.

DILI, 16 setembru 2020 (TATOLI)-Diretór Servisu Apoiu Diagnóstiku no Terapiótiku Ospitál Nasionál Guido Valadares (HNGV-sigla portugés), Mendes Pinto, hateten HNGV iha jeradór boot tolu hodi apoiu servisu instituisaun nian ba atende pasiente sira bainhira eletrisidade mate.

“Eletrisidade mate oras haat ka lima ne’e ita bele aguenta maibé labele ba loron ida ka rua tanba mina mak susar tebes tanba HNGV iha jerador boot 1 Mega Watt para atende hotu HNGV laran no uza eletrisidade nia kapasidade barak liu entaun tenki uza jerador boot,” dehan nia iha HNGV, kuarta ne’e.

Notísia Relevante :HNGV Presiza Ahi Lakan Oras 24

Nia esplika jeradór hirak ne’e atu asegura de’it funsionamentu servisu liliu iha Banku de Sangue, Laboratóriu Nasionál, Radiolojia, ICU, sala operasaun no sala fase ran.

”Banku de Sangue mak ahi mate ran sira aat hotu,  Laboratóriu  halo teste ran ne’e uza mákina no Radiolojia uza eletrisidade atu hasai raiu-x hasai USG,” nia hateten.

Husi parte sala ICU nian pasiente balun uza ventiladór, sala operasaun uza mákina hodi halo operasaun, no sala fase ran mós hanesan presiza enerjia eletrisidade.

“Fatin sira ne’e ita asegura ho jeradór bainhira eletriisdade mate,” tenik tan.

Notísia Relevante :HNGV iha Ona Progresu Durante Tinan 17

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here