Doasaun ran husi públiku ba BSN. Foto TATOLI: Rafy Belo

DILI, 16 setembru 2020 (TATOLI)-Diretór Servisu Apoiu Dianóstiku no Terapiótiku Ospitál Nasionál Guido Valadares, (HNGV-sigla portugés), Mendes Pinto, hateten durante fulan-agostu liubá rejista ema hamutuk 287 maka fó ona doasaun ran ho gratuita ba ospitál nasionál.

HNGV simu doasaun ran ho tipu rua, dahuluk maka ema ho voluntariamente oferese ran ba ospitál, no daruak, doasaun subtituisaun katak família pasiente maka halo doasaun  tanba presiza ran ho karakter urjensia.

Notísia Relevante :2019-2020, Dadur 180 Fó Doasaun Ran ba HNGV

”Entaun ema ne’ebé mak halo doasaun ran ne’e hamutuk 287 mak fó ran no ran ne’ebé mak barak liu ran O hamutuk 118, ran B hamutuk 84, A hamutuk 68 no AB mak kiik liu hamutuk 17,” informa nia ba jornalista sira iha HNGV, kuarta ne’e.

Tuir dadus durante ne’e pasiente sira ne’ebé halo internamentu iha sala maternidade, sirúrjia, pediátria maka presiza ran barak liu.

“Banku  sangue forñese ran la’ós de’it ba HNGV maibé ita forñese mós ba ospitál rejionál no klínika privadu Fatumeta,” nia hateten.

Nia relata durante fulan-agostu, ema ho voluntáriu oferese ran purvolta 20-resin de’it, kompara ho família pasiente maka barak.

”Ita-nia ekipamentus rezente sufisiente hela para halo atendimentu tanba durante ne’e OMS ajuda Banku Sangue,” nia hatutan.

Notísia Relevante :Pasiente Fase Ran Hamutuk 161 mak Presiza Doasaun Ran Barak

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here