Prezidente Repúblika, Francisco Guterres ‘Lú-Olo’. Imajen Tatoli/ Egas Cristóvão

DILI, 15 setembru 2020 (TATOLI)—Prezidente Repúblika (PR), Francisco Guterres “Lú Olo” fiar Orsamntu Jerál Estadu (OJE) 2020 no 2021 sei pasa iha Parlamentu Nasionál.

Notísia Relevante: PN hahú diskute kalendarizasaun OJE 2020-2021

“Ha’u iha espetativa osan ne’e sei bele liu, ohin deputadu sira hahú fila-fali sira-nia kna’ar no sira iha konsiénsia katak Estadu ne’e presiza osan para atu-bele implementa programa sira-ne’ebé mak Governu iha hodi hadi’a povu nia moris,” Xefe Estadu informa ba jornalista sira hafoin halo abertura solene ba abertura sesaun datoluk Lejizlatura dalima, iha plenária Parlamentu Nasionál, tersa ne’e.

Prezidente Repúblika fundamenta, Governu presiza osan atu selu empreza sira-ne’ebé ba kotuk ne’e la selu até agora no nesesidade bázika sira iha rai-laran.

“Hodi nune’e roda ekonomia la’o nafatin. Ida-ne’e (orsamentu) ha’u fiar iha señor deputadu sira,” PR Lú Olo hateten.

Bankada Governu nian iha Parlamentu Nasionál komposta hosi Bankada FRETILIN ho kadeira 23, bankada PLP ho kadeira ualu (8) no bankada KHUNTO ho kadeira lima (5).

Prezidente Repúblika, Francisco Guterres “Lú Olo” fiar forsa polítiku maioria iha Parlamentu Nasionál si vota a-favór ba OJE 2020 no 2021.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here