Primeiru-Ministru, Taur Matan Ruk, entrega bandeira RDTL ba família saudozu Faustino dos Santos ‘Renan Selak’ iha seremónia funebre, iha osuáriu no semitériu espesiál Lautém, tersa (15/09). Imajen Tatoli/Eugênio Pereira

LAUTÉM, 15 setembru 2020 (TATOLI)–Governu liuhosi Ministério Para Os Assunto dos Combantentes da Libertação Nacional kompromete atu fó atensaun nafatin ba saudozu Faustino dos Santos “Renan Selak” nian oan sira-nia estudu.

Notísia Relevante: Meta Malik preokupa ho “Ossuáriu” iha territóriu nasionál

“Saudozu nia oan ruma keta eskola hela, Governu kompromete atu fó atensaun nafatin. Veternu moris ka mate, Ministério dos Assuntos Combatentes da Libertação Nacional iha obrigasaun atu responsabiliza sira-nia estudu to’o hotu,”  dehan Ministru Julio da Costa Sarmento “Meta Malik” ba Agência TATOLI hafoin haloot mate-isin saudozu Renan Selak nia mate-isin iha Ossuáriu Munisípu Lautém, tersa ne’e.

Governante ne’e preokupa, impasse polítika ne’ebé impede makaas dezenvolvimentu hosi aspetu hotu-hotu, nune’e mak lider polítiku sira tenke tuur hamutuk ho hanoin ida de’it atu bele alkansa moris di’ak ba veteranu sira-nia oan no inan faluk sira.

“Se Governu ida sa’e, depois sobu fali, signifika ita la kontribui ba dezenvolvimentu. Ita la kontribui ba mehi saudozu sira nian. Ita la kontribui ba ezijénsia sira ne’ebé ita kompromete ba povu,” nia hateten.

Jornalista: Zezito Silva

Editór: Cancio Ximenes

HAKEREK NO HATÁN

Please enter your comment!
Please enter your name here