Prezidente Repúblika, Francisco Guterres Lú Olo. Imajen/ Egas Cristovao

DILI, 15 setembru 2020 (TATOLI)—Prezidente Repúblika (PR), Francisco Guterres “Lú Olo”, konsidera bankada CNRT ne’ebé sai hosi plenária (walk out) ne’e problema Parlamentu Nasionál nian.

Notísia RelevanteBankada CNRT walk out hosi plenária molok PR Lú Olo halo diskursu

“Ne’e problema sira-nian la’ós prezidente nian. Prezidente mai iha órgaun soberania Parlamentu Nasionál loke sesaun lejizlativa, agora abandona ka la abandona ne’e problema sira-nian,” Xefe Estadu informa ba jornalista sira hafoin halo abertura solene ba abertura sesaun datoluk iha Lejizlatura dalimak, iha plenária Parlamentu Nasionál, tersa ne’e.

Bankada CNRT retira hosi plenária hafoin Vise-Xefe Bankada CNRT, Deputadu Patrocínio dos Reis Fernandes, ramata intervensaun polítika iha ámbitu solene ba abertura sesaun lejizlativa toluk iha Lejizlatura Dalima nian.

Hafoin ramata ninia deklarasaun polítika ne’e, Vise-Xefe Bankada CNRT Deputadu Patrocínio dos Reis Fernandes hasai liafuan ikus ida katak “ami tenke husik fatin ida-ne’e”.

Ho desizaun hosi bankada parlamentár CNRT ne’e, Xefe Estadu konsidera ne’e problema Parlamentu Nasionál nian.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here