Presidente Institutu Nasionál Seguransa Sosiál (INSS) Longuinhos Armando. Imajen/Egas Cristovão

DILI, 14 setembru 2020 (TATOLI)–Prezidente Institutu Nasionál (INSS), Longuinhos Armando Leite, hateten INSS halo ona pagamentu ba setór privadu sira kuaze 82%. 

Notísia Relevante: 2020, INSS Rejistu Funsionáriu no Empreza Privadu Hamutuk 100.000

“Ita halo ona pagamentu ba setór privadu sira kuaze 82% mak hotu ona no hela 18% mak seidauk,” dehan Prezidente INSS, Longuinhos Armando Leite, ba Agência TATOLI iha nia knaar fatin INSS, Caicoli, Dili, segunda ne’e.

Nia dehan, 18% mak ba sira ne’ebé halo pagamentu iha banku maibé banku rejeita tanba sira-nia dokumentu la loos, hanesan númeru konta bankaria la loos, IBAN inklui naran sala hotu entaun banku rejeita.

“Sira ne’e mak to’o agora ita seidauk halo pagamentu. Maibé INSS koko telefone sira no sira dehan aban maibé hein to’o semana ida la mai. Hodi ida-ne’e mak orsamentu purvolta rihun $8,90 mak sei iha atu selu sira,” nia hateten. 

Tuir nia, orsamentu ba setór privadu inklui ho traballadór sira mak hamutuk millaun $7, osan $4,5 ba 60% no $2,5 ba 6% nian.

Longuinhos hateten, setór privadu sira-ne’e husu Governu atu re-embolsu fila-fali tanba durante COVID-19 traballadór nia saláriu la’o normál no setór privadu balun husu atu ajuda duni 60% ne’e, signifika kompañia selu tiha ona 40% ba ninia traballador no iha kompañia balun husu atu estende de’it 6%.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here