Imajen/Plan Internasional.

DILI, 14 setembru 2020 (TATOLI)–Diretora Plan International iha Timor-Leste, Dillyana Daten Ximenes hateten, selebrasaun ba loron internasionál ba Labarik Feto iha tinan ne’e ho tema “Atu Hapara Violénsia ka Abuzu Ba Labarik Feto Espesialmente iha Mídia Online” ne’ebé sei realiza iha loron 04-11 outubru tinan ida-ne’e.

“Ita nia atividade selebrasaun ba loron internasional ba labarik feto ne’e sei realiza iha loron 4-11 outubru 2020 ho tema ‘Atu Hapara Violénsia ka Abuzu Ba Labarik Feto Espasialmente iha Mídia Online’ no sei iha mós atividade balun ne’ebé mak sei anima komunidade sira,” dehan Diretora Plan International iha Timor-Leste, Dillyana Daten Ximenes, ba Agência TATOLI hafoin hala’o enkontru ho SEII iha edifísiu SEII, Obrigado Barak, Matadouro, Dili, segunda ne’e.

Tuir planu, nia dehan, Plan Internasionál halo selebrasaun ba loron intrnasionál ba labarik feto ne’e sei hala’o iha munisípiu tolu (3) mak hanesan iha Aileu, Ainaro no Dili, ho loron ne’ebé mak hanesan.

Tanba ne’e, nia dehan, ohin Plan Internasionál hala’o enkontru ho SEII hodi ko’alia kona-ba atualiza esbosu balun kona-ba atividade ba selebrasaun loron internasionál ba labarik feto nian no simu hanoin ruma hosi SEII.

“Ami enkontru ho SEII hodi ko’alia kona-ba selebrasaun loron internasionál ba labarik feto ne’ebé mak sei monu iha loron 11 outubru kada tinan ami halo parseria metin ho SEII ho Komisaun Nasionál Direitu Labarik (KNDL). Ho objetivu enkotru ho sua-exelénsia atu atualiza ami-nia esbosu ba atividade loron labarik nian no simu hanoin hosi exelénsia nune’e ami bele realiza atividade ho di’ak liután,” nia dehan. 

Tuir nia, atu realiza atividade loron internasionál ba labarik feto ne’e, Plan Internasionál uza fundu rasik hodi komemora loron boot refere. 

“Ami realiza atividade ba komemorasaun loron internasionál ba labarik feto ne’e, uza ami-nia fundu rasik hamutuk rihun $12 no ami mós hetan suporta hosi Governu liuhosi Sekretária Estadu Igualidade no Inkluzaun (SEII) ho CDC,” nia esplika. 

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here