COVID-19

DILI, 14 setembru (TATOLI)-Servisu Saúde Munisípiu Bobonaro, João Cardoso, hateten rezultadu servisu husi programa vijilánsia sentinela durante ne’e konsege foti amostra ba ema na’in 300-resin tanba iha sintoma COVID-19.

Maibé rezultadu teste Laboratóriu Nasionál la deteta sira konfirmadu COVID-19 tanba ne’e maka Munisípiu Bobonaro sei livre husi pandemia globál coronavirus.

Notísia Relevante :Bobonaro Kontinua Esforsu Prevene COVID-19

Mezmu nune’e ekipa saúde sira sei kontinua implementa programa vijilánsia sentinela hodi halo prevensaun ba transmisaun lokál.

”Entaun visilansia sentinela ne’e daudaun iha fasilidade saúde no mós iha área fronteira nian entaun iha fasilidade saúde ne’e enfermeiru, médiku sira atende pasiente sira mak hatudu respiratóriu agudu ruma halo investigasaun ketak no hanesan mós iha área fronteira nian bainhira hatudu respiratóriu agudu halo investigasaun ketak tanba dalaruma sira kontaku ho ema mota sorin sira maibé to’o agora rezultadu negativu hotu,” katak nia ba jornalista sira via telefone iha Ministériu Saúde Caicoli, Dili segunda ne’e.

Notísia Relevante :MS Husu Saúde Munisípiu 12 no RAEOA Kontinua Implementa Vijilánsia Sentinela

Jornalista : Felicidade Ximenes

Editór        : Agapito dos Santos

HAKEREK NO HATÁN

Please enter your comment!
Please enter your name here