Sesaun Plenária Parlamentu Nasionál. Imajen Tatoli/António Gonçalves

DILI, 14 setembru 2020 (TATOLI)—Sekretária Meza Parlamentu Nasionál Deputada Lídia Norberta dos Santos Martins, informa  resesu Parlamentu Nasionál termina ona ohin no aban Prezidente Repúblika (PR), Francisco Guterres “Lú Olo” sei halo abertura ba sesaun lejislativa foun.

Notísia Relevante: PN Resesu iha 15 Agostu

“Prepasaun ba aban la’o hotu ona tanba aban sei halo abertura hosi Prezidente-Repúblika. Rresesu Parlamentu Nasionál termina ona ohin no aban Prezidente Repúblika (PR), Francisco Guterres “Lú Olo” sei halo abertura ba sesaun lejizlativa foun,” Sekretária Meza Parlamentu Nasionál, Deputada Lídia Norberta dos Santos Martins, informa ba jornalista sira hafoin reuniaun líder bankada, iha salaun konferénsia Parlamentu Nasionál, segunda ne’e.

Nia dehan, deputadu sira-nia resesu hotu ona ohin, 14 setembru no aban hahú tama fali sesaun lejislativa datoluk.

Deputada Lídia Martins fó-sai katak, iha sesaun lejizlativa foun ne’e Prezidente Repúblika mós sei marka prezensa iha sesaun solene ne’e. Iha inisiu sesaun solene ne’e ba sesaun lejislativa datoluk ne’e ba dala uluk Prezidente Repúblika sei halo diskursu depois mak sei fó tempu ba líder bankada parlamentár sira halo intervensaun polítika.

Sesaun solene ne’e hala’o bazea ba Konstituisaun RDTL artigu 99 (Lejizlatura) alínea 1 hateten, lejislatura komprende sesaun lejizstivu lima no sesaun lejizlativu idak-idak iha durasaun tinan ida-nian no alínea 2 dehan períodu normál funsionamentu Parlamentu Nasionál, rejimentu mak define.

Nune’e mós Rejimentu Parlamentu Nasionál (RPN) artigu 45 (Sesaun Lejizlativa) alínea 1, sesaun lejizlativa dura tinan ida, hahú iha 15 setembru no remata iha 14 setembru iha tinan tuir mai.

Alínea 2 hosi artigu 45 ne’e hateten, períodu normál funsionamentu Parlamentu Nasionál nian hahú iha 15 setembru no remata iha 15 jullu, sein prejuízu ba períodu suspensaun iha Natál entre 23 dezembru no 02 janeiru tinan tuir mai, no suspensaun seluk-seluk ne’ebé Parlamentu delibera liuhosi maioria dois terços (1/3)) hosi Deputadu eleitu sira.

Jornalista: Evaristo Soares Martins  

Editór: Cancio Ximenes

HAKEREK NO HATÁN

Please enter your comment!
Please enter your name here