Saudozo Lucas da Costa "Rama Metan". Foto: Beritasatu.com

DILI, 12 setembru 2020 (TATOLI)-Sekretáriu Jer’al Rejisténsia Nasionál Estudante Timor Leste (RENETIL), Joaquim Fonseca “Ruso” hateten Saudozo Lucas da Costa “Rama Metan” konsege realiza ona mehi RENETIL nian ida maka atu prepara Timoroan sira liuhosi setór edukasaun hodi kontribui ba prosesu dezenvolvimentu.

“Ha’u atu aprofunda liña jerál husi misaun RENETIL nian mak atu prepara profesionál sira ne’ebé iha konsiénsia revolusionária atu partisipa iha prosesu rekonstrusaun nasionál,” dehan nia durante serimonia inagura monumentu Saudozo Lucas da Costa “ Rama Metan” iha UNPAZ Dili, sábadu ne’e.

Nia deha, ho saudozo ninia kontribuisaun maka konsege hamutuk ho Fundasaun Neon Metin hodi hari’i Universidade da Paz to’o ohin loron.

“Ha’u lori RENETIL nia naran agradese ba maun Lucas ne’ebé hamutuk ho Fundasaun Neon Metin lori misaun ida ne’e hodi mai halibur tan maluk sira seluk ne’ebé la’ós RENETIL atu kontinua iha fatin ida ne’e,” katak nia.

Nia husu ba dosente no estudante sira atu kontinua fó valór ba obra saudozo nian hodi dezenvolve di’ak liután UNPAZ iha futuru.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here