Ministru ba Asuntu Kombatente no Libertasaun Nasionál, Júlio Sarmento da Costa ‘Meta Mali’. Imajen TATOLI/Egas Cristovão

DILI, 12 setembru 2020 (TATOLI)-Ministru Asuntu Kombatente Libertasaun Nasionál (MAKLN),  Julio Sarmento da Costa “Meta Malik” husu ba jerasaun foun sira iha Universidade da Páz (UNPAZ), atu labele fahe lider nasionál hanesan Kayrala Xanana Gusmão, Mari Alkatiri no José Ramos Horta no sira seluk tan.

“Ha’u lakohi imi dosente no estudante iha UNPAZ ne’e atu hamosu pro no kontra ba lidér A ka B maibé buka hakas aan atu sai ema ne’ebé neutru  hodi hateke ba futuru rai ida ne’e nian,” dehan nia iha serimonia inagurasaun monumentu Saudozo Lucas da Costa “Rama Metan”, sábadu (12/09) iha UNPAZ, Dili.

Iha situasaun agora, intelektuál sira iha UNPAZ labele aproveita situasaun ne’e hodi fahe lidér sira maibé buka atu fó solusaun hodi lori lidér sira hamutuk.

“Ha’u dehan momoos ba imi ita nia lidér sira ne’e idade ona papel ita nian mak molok tempu to’o sira husik hela ita, ejize ba sira atu rai no husik hela buat di’ak ba povu no nasaun ida ne’e,” tenik tan.

Jornalista : Tomé Amado

Editó        : Agapito dos Santos

HAKEREK NO HATÁN

Please enter your comment!
Please enter your name here