Estatua Saudozu Lucas da Costa 'Rama Metan'.Imajen/UNPAZ Media Center.

DILI, 12 setembru 2020 (TATOLI)-Arsebispu Metropolitanu Dili, Don Virgílio do Carmo da Siva ho Ministru Antigu Kombatentes Libertasaun Nasionál (MAKLN), Julio Sarmento da Costa “Meta Malik” hamutuk ho UNPAZ, sábadu ne’e inagura ona monumentu Saudozo Lucas da Costa “Rama Metan” iha areadór UNPAZ Dili.

UNPAZ aloka orsamentu hamutuk $ 116.007.000, hodi gasta ba projetu hari’i monumentu iha areadór UNPAZ hamutuk $49.80,030, halo estatua purvolta rihun $ 50, no prepara serimonia inagurasaun hamutuk $ 11.270.025.

Notísia Relevante :UNPAZ Sei Inagura Estatua Saudozu Lucas da Costa ‘Rama Metan’

Ministru Asuntu Kombatentes Libertasaun Nasionál, Julio Sarmento da Costa “Meta Malik” hateten ninia prezensa hodi inagura monumentu ne’e tanba Saudozo Lucas da Costa, ema veteranu.

Nia dehan monumentu ne’e nu’udar simblu prezensa Saudozo nian iha UNPAZ maske mate ona maibé ninia espíritu sei moris.

“Iha Universidade da Paz ne’e ha’u hakarak hateten ba ita bo’ot sira hotu katak Lucas Rama Metan nia isin mak mate maibé ninia espiritu, mensazen no matenek moris nafatin. Nia husu nafatin ba ita bo’ot sira atu kontinua aprende laiha ninin no rohan,” katak Meta Malik, iha Kampus UNPAZ, Sabádu ne’e.

Iha fatin hanesan Prezidente Komisaun Organizadora, Martinho Nahak Linu, hateten orsamentu hamutuk $ 11. 270,025 maka sira uza hodi halo preparasaun ba serominia inagarasaun estatua Saudozo Lucas da Costa “Rama Meta”.

“Husi orsamentu ida ne’e ami forma komisaun organizadora kompostu husi Seksaun Liturjia, ordenamentu, mídia, protokolu, seguransa, konsumu, kultura, lojístika no seluk tan,” nia esplika.

Jornalista : Tomé Amado  

Editór       : Agapito dos Santos

HAKEREK NO HATÁN

Please enter your comment!
Please enter your name here