Foto espesiál

DILI, 10 setembru 2020 (TATOLI)-Diretora Jerál Asuntu ASEAN Ministru Estranjeiru no Kooperasaun (MNEK), Milena Rangel, hateten rejultadu avaliasaun husi ekipa tékniku ASEAN ba Timor-Leste kona-ba pilár sosiu kultura iha rejultadu pozitivu.

Ekipa tékniku ASEAN iha loron 08 no 10 fulan-setembru ne’e halo ona telekonferénsia ho Timor-Leste hodi halo avaliasaun ba preparasaun TL nian iha pilár sosiu kultura ba reforsa adezaun ba ASEAN.

Notísia Relevante :ASEAN avalia Timor-Leste liuhosi telekonferensia

“Rezultadu husi avaliasaun ne’e pozitivu tebes, pergunta sira hato’o hosi ASEAN nian mai iha saúde, komunikasaun informasaun, kultura nian hosi pergunta sira husu mai ne’e ita hatan tuir polítika ne’ebé agora iha daudauk, entaun rejultadu di’ak loos,” dehan Milena ba Jornalista iha edifísiu MNEK Praia dos Coqeiros, kinta (10/09).

Telekonferénsia ne’e importante atu Ajénsia setoriál iha ASEAN ne’e bele estabelese komunikasaun ho koneksaun di’ak ho Ajénsia sira iha nune’e futuru bele iha koneksaun di’ak liután.

Alende ne’e, telekonferénsia ne’e hanesan parte ida mós atu Timor-Leste bele iha koneksaun ne’ebé di’ak ho nasaun membru ASEAN sira.

Notísia Relevante :ASEAN loke odamatan ba TL partisipa atividade sósiu-kultura

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here