DILI, 11 setembru 2020 (TATOLI)-Sesaun ba Komite Rejionál husi Organizasaun Mundiál Saúde iha Rejiaun Sudeste Aziátiku ho lider saúde mundiál sira hakarak halo investimentu boot atu haforsa sistema saúde no kolabora ba kombate pandemia globál COVID-19.

Enkontru anuál OMS ninian iha Rejiaun Sudeste Aziátiku  lidera husi  Vise Primeiru-Ministru, Tailándia no Ministru Saúde Públiku, Anutin Charnvirakul ne’ebé organiza hosi Tailándia. Enkotnru durante sesaun loron-rua ne’e halo tuir virtuál ka online ba dala uluk tanba pandemia COVID-19.

Ministru Saúde no Bem-Estar Família Índia,  Harsh Vardhan, durante sesaun abertura ne’ebé hala’o iha Tailándia, hateten nasaun sira iha Rejiaun Sudeste Aziátiku persiza atu investe barak liután iha saúde públika no hari’i sistema prestasaun saúde ida forte.

Nune’e Anutin Charnvirakul, hateten ho moras pandemia globál COVID-19 ne’ebé maka akontese iha mundu, ejize inter-koneksaun ba objetivu dezenvolvimentu sustentavel sira hotu.

“Setór hotu-hotu, públiku no privadu servisu hamutuk ida ne’e furak tebes, ita luta kontra ita-nia inimigu komún COVID-19, ita haree ona inovasaun sosiál no solidariedade barak tebes,” dehan nia liuhosi nota imprensa ne’ebé Tatoli asesu, iha sesta (11/09).

Iha parte parte seluk, Diretór Jerál Organizasaun Mundiál Saúde, Tedros Adhanom Ghebreyesus, hateten COVID-19 ne’e kauza husi problema barak, triste no laiha serteza, maibé fó oportunidade ba mundu tomak katak saúde ne’e investimentu esensiál tebes ba sosiedade ida seguru, saudavel liu no sustentavel liu.

Nasaun barak agora presiza foka ba prioridade haat dahuluk, prevene aumenta eventu barak daruak, salva vida liuhosi proteje ema vulneravel sira. Datoluk, empodera no eduka ema no komunidade sira hodi proteje sira-nia aan no ema seluk, no dahaat, foka ba saúde públiku báziku buka tuir, izola, halo teste, no tratamentu ba kazu, no halo rastreiu no halo kuarentena ba kazu sira.

Diretora Rejionál OMS Rejiaun Sudeste Aziátiku, Poonam Khetrapal Singh, hateten “Investimentu boot liu iha saúde públika ne’e bele ajuda atinje rejultadu saúde ne’ebé di’akliu, promove dezenvolvimentu sustentavel no ida ne’ebé ekitavel no justu iha sosiedade nian,” tenik tan.

Durante sesaun ba loron daruak, iha diskusaun meza redonda hodi diskute kona-ba pandemia COVID-19 no esforsu sira ne’ebé halo ona hodi mantein servisu saúde esensiál no aselera servisu ba tratamentu saúde sira ne’ebé hetan interrupsaun tanba pandemia ne’e.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here