Komandante PNTL Munisípiu Lautem, Superintendente António Rego. Imajen/PNTL

DILI, 11 setembru 2020 (TATOLI)- Komandu Polísia Nasionál Timor-Leste (PNTL) Munisípiu Lautem fó posee ba membru Konsellu Polisiamentu Komunitáriu (KPK) hamutuk na’in-60 hodi ajuda PNTL atu garante paz no estabilidade iha area jurisdisaun Lautem.

Komandante PNTL Munisípiu Lautem, Superintendente António Rego deklara, membru KPK hirak ne’e sei koloka iha Suku Ililai no Suku Euquisi, Postu Administrativu Lautem, Munisípiu Lautem.

Kada suku sei koloka membru KPK hamutuk na’in-30 ne’ebé hetan koñesimentu husi autoridade sira hodi servisu hamutuk garante seguransa nio moris hakmatek iha suku too aldeia sira.

Liuhusi nota komunikadu imprensa ne’ebé Agência Tatoli asesu, ohin, relata katak, serimónia ne’e hetan partisipasaun másimu husi Presidente Konsellu Seguransa Munisipál (KSM), reprezentante komandante jerál PNTL, administradór munisípiu Lautem, Presidente Konsellu Veteranu no antigu Kombatente Libertasaun Nasional, administradór postu, Komandante eskuadra, Xefe Suku balun ne’ebé pretense ba postu Lautem inklui komunidade tomak husi suku Laivai, Postu administrativu Lautem, Munisípiu Lautem.

 Jornalista  : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here