Ilustrasaun labele fuma

DILI,11 setembru 2020 (TATOLI)-Aliansa Nasionál Kontrolu Tabaku (ANCT-sigla portugés), iha sesta ne’e sensibiliza informasaun ba funsionáriu Institutu Apoiu Dezenvolvimentu Emprezariál (IADE), kona-ba regulamentu fuma tabaku no ninia risku sira.

Timor-Leste iha dekretu lei kontrolu tabaku númeru 14/2016 hodi bandu fumadór sira labele fuma sigaru iha fatin públiku, tanba ne’e IADE konvida ANCT atu sensibiliza informasaun ne’e nune’e bele lansa bandu fuma iha servisu fatin.

”Ami hamutuk ho IADE divulga informasaun kona-ba tabaku no moras la hada’et ba funsionáriu tomak atu labele fuma iha areadór IADE nian tanba ne’e mak IADE,” informa Jestór Aliansa Nasionál kontrolu tabaku,  Sancho Belito Fernandes,  ba jornlaista iha salaun IADE Dili, sesta ne’e.

Dekretu lei bandu fuma ne’e implementa ona iha Timor-Leste, tanba ne’e obrigatóriu ba sidadaun hotu atu kumpre liliu funsionáriu públiku sira.

”Ha’u hanoin obrigasaun ba edifíiu públiku sira hanesan edifísiu Governu sira implementa uluk para hatudu dalan ba fatin sira seluk hanesan restaurante sira,” katak nia.

Tuir dadus ANCT, sidadaun pursentu 74 % maka la kumpre dekretu lei hodi bandu fuma sigaru iha fatin públiku tanba ne’e presiza sensibiliza informasaun ba públiku ho rutina.

Iha fatin hanesan Diretór Ezekutivu Institutu Apoiu Dezenvolvimentu Emprezariál, Filomeno Marcelino Belo, sensibilizasaun ne’e atu  fanun konsiénsia funsionáriu IADE atu fuma iha fatin loos la’ós fuma arbiru iha edifísiu Estadu nian.

“Funsionáriu sira ne’ebé mak la kumpr ami fó sasaun ba sira mak hanesan bele multa ho osan ne’e ami iha área administrasaun jerál mak prepara sansaun ba sira,” nia dehan.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here