Diretór Jerál Servisu Migrasaun, Superintendente Polísia Agostinho da Silva Gomes. Imajen Tatoli/Eugénio Pereira

DILI, 10  setembru 2020 (TATOLI)-Ministériu Interior (MI) liuhusi Diresaun Nasionál Servisu Migrasaun iha inísiu janeiru to’o setembru 2020 rejista sidadaun estranjeiru hamutuk nai’in-212 viola vistu.

Notísia Relevante : Governu TL entrega John Beresford Calder ba Embaixada Nova Zelándia

Diretór Jerál Servisu Migrasaun,  Superintendente Agostinho Gomes, hateten, atividade servisu operasaun no identifikasaun ho meius sira seluk  investiga sidadaun hirak ne’e  viola lei migrasaun, hanesan sala utiliza vistu turizmu hodi hala’o atividade profisionais   ne’ebé kompañia balun fó servisu.

Nia hatutan, sidadaun estranjeiru sira balun ho permanénsia illegal,  balun hela iha territóriu Timor-Leste ilegálmente tanba vistu mate no balun laiha dokumentu.

“Ami halo prosesu   ba sidadaun hirak ne’e  barak liu nasaun Indonésia, Xina, Filinpina no sira seluk tan,” informa Agostinho Gomes hodi responde Agência Tatoli, ohin, iha edifisiu Ministériu Interior, Caicoli, Dili.

Tuir lei  ba sidadaun estranjeiru ne’ebé komete infrasaun Servisu  Migrasaun aplika sansaun  hodi selu koima.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here