Vise Gabinete Formasaun Akadémiku, INFORDEPE, Domingos Martins.Imajen/Tome Amado.

DILI, 10 setembru 2020 (TATOLI)-Profesór kontratadu hamutuk 286 husi Munisípiu Ainaro, halo interkámbiu no estudu komparativu iha Dili hodi hakerek sira-nia relatóriu pedagóziku.

Husi totál profesór 286 ne’e, fahe ba grupu rua, grupu dahuluk ho ema hamutuk 144 halo ona interkambiu iha semana kotuk no kinta ne’e grupu daruak ho ema hamutuk 142.

Vise Gabinete Formasaun Akadémiku, INFORDEPE, Domingos Martins, hateten interkámbiu no estudu komparativu ne’e akontese tanba profesór kontratadu sira ne’e, daudaun ne’e estuda iha UNTL paralelu Munisípiu Ainaro nian servsiu hamutuk ho INFORDEPE.

“Loloos tinan ne’e ita-nia profesór 286 ne’ebé sai estudante UNTL iha Ainaro ne’e akaba ona sira nia estudu.  Maibé tanba de’it problema COVID sira seidauk bele finaliza maib meadu 2021 estudante sira ne’e sei akaba sira nia estudu iha UNTL, sira estuda tinan ida ho grau akadémiku baxarelatu,” dehan nia ba Tatoli iha ninia servisu fatin Balide Dili.

Durante iha Dili, profesór kontratu no mos estudante UNTL hirak ne’e sei halo estudu kona-ba maritima, rai-maran, vizita biblioteka Sentrál UNTL, vizita mós laboratóriu INFORDEPE  kompostu husi Biolojia, Kímika, fízika inklui vizita Muzeu Rejisténsia Nasionál no Cristo Rei.

“Interkámbiu ida ne’e mós atu fó biban ba estudante sira atu hakerek relatóriu no estájiu pedagóziku depende ba kada estudante ne’ebé foti sira ninia atividade peskiza,” tenik tan.

Profesór 286 ho nivél edukasaun husi ensinu báziku, ensinu sekundáriu jerál no tékniku vokasionál.

Jornalista : Tome Amado

Editór       : Agapito dos Santos

HAKEREK NO HATÁN

Please enter your comment!
Please enter your name here