Komandante Jerál PNTL, Komísariu Faustino da Costa. Imajen Tatoli/Egas Cristovão

DILI, 10 setembru 2020 (TATOLI)- Komandante Jerál  Polísia Nasionál Timor-Leste (PNTL), Komisáriu Faustino da Costa, hala’o enkontru ho ekipa Departamentu Administrasaun no Planeamentu no Departamentu Finansas  PNTL hodi diskute  kona-ba revizaun planu anuál 2020-2021 no kolokasaun sub misaun Orsamentu Jerál Estadu (OJE) 2021.

Komisáriu Polísia Faustino  da Costa husu ba Xefe Servisu no Departamentu sira atu haree didi’ak programa hira maka sai prioridade PNTL nian iha orsamentu 2020 no 2021 ba área ne’ebé de’it tenke koloka orsamentu ho di’ak.

“Hanesan ita hotu hatene PNTL Instituisaun Estadu ne’ebé hola parte iha programa Governu ida nian iha pontu ida hateten katak moderniza no mós reforma administrasaun instituisaun Estadu, ne’e PNTL tama iha parte ida ne’ebé bainhira ita ko’alia kona-ba liafuan moderniza ne’e afeta buat barak tebes,” hateten Komisáriu Faustino da Costa, ohin, liuhusi komunikadu imprensa.

Nia dehan, PNTL mós tama iha polítika moderniza instituisaun katak akumula buat barak tebes no pontu seluk ne’ebé ema hotu presiza hatene maka rekuperasaun ekonómika, prioridade ba rekuperasaun ekonómika akumula buat hotu-hotu tenke la’o tuir programa governu.

Nia hatutan,  Governu ne’e hakarak tinan 2021 PNTL  ba oin tenke ezekuta programa tuir planu ne’ebé prepara no diskute.

Komandante PNTL mós husu ba xefe servisu no departamentu no mós komandante Komandu Munisípiu no unidade sira atu diskute kle’an liután kona-ba programa prioridade ne’ebé atu halo tenke prepara hodi tau ba orsamentu 2020 no 2021.

Jornalista   : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here